> >>De las nhòrlas de Panazô (+ CD) - André Dexet

EDITORS / LABELS

Autors / Interprètes

Avètz ja vist

De las nhòrlas de Panazô (+ CD) - André Dexet Mai grand

De las nhòrlas de Panazô (+ CD) - André Dexet

978-2-954346-03-8

Nòu

IEO

I aguèt un temps que, en Lemosin tot, tot s'arrestava quand Panasòu parlava "dins lo pòste" : un moment de franc rire !
Contaire de nhòrlas, Panasòu, àlias André Dexet, èra tanben jornalista, escrivan, etnograf... e declinava, en una infinitat de tons, son amor de Lemosin, dels Lemosins e de la lenga occitana.
Aquí 116 de sas nhòrlas, en occitan (lemosin) amb CD.

Detalhs

Disponible

27,00 € TTC

Detalhs

Edicion IEO Lemosin
Data de publicacion : 2023
Format (a x l) : 22 x 14 cm
Lenga : bilingüe occitan e francés
Nombre de paginas : 160
Religadura : brocat, cobèrta sopla amb rebats
Presentacion : Amb CD inserit dins lo libre

Ne saber mai

De las nhòrlas de Panazô (amb CD)

André Dexet (Panazô / Panasòu)  
edicion a partir del memòri de Monica Sarrasin
amb la collaboracion de Joan-Pèire Lacomba
e de Joan-Francés Vignaud

La nhòrla ? Es una istòria comica, una badinada a la mòda lemosina (e auvernhata), dont la sabor es portada en granda partida per la lenga. Panasòu ne’n fa un momenton de vida ont las actitudes, las expressions – e una bona dòsi d'autòderision – fan que totas las e los qu'an costejat lo Lemosin rural se reconeisseràn amb delectacion.  
André Dexet (1921-1997) comencèt de contar sas nhòrlas dins l’Écho du Centre en 1955. Contunhèt puèi sus las ondas de Radio Limoges en 1957, ont sas cronicas ganhan un succès popular vertadièr.
Lo trabalh realizat per Monica Sarrasin per son memòri de mestresa èra una excellenta escasença de publicar un florilègi de nhòrlas de Panasòu, per tal de remembrar de bons moments de rire als ancians e de far descobrir lo monde de Panasòu als mai joves.

Trobaretz dins aqueste libre una biografia de l'autor, un estudi critic de l'univèrs de sas istòrias, seguits de 116 nhòrlas en occitan lemosin, acompanhadas de lor resumit en francés.
Sul CD, poiretz ausir 35 nhòrlas, dichas per cinc contairas e contaires de la region amb, en bonus, una istòria dicha per Panasòu se mesma.

Per s'obrir a aquel univèrs cultural del Lemosin rural que Panasòu sabiá tan plan metre en scèna, e per se regalar !

Edicions IEO Lemosin.

30 autres produits dans la même catégorie :