> >Dilà, entre doas ribas (bil) - Denis Galvier

EDITORS / LABELS

Autors / Interprètes

Avètz ja vist

Dilà, entre doas ribas (bil) - Denis Galvier Mai grand

Dilà, entre doas ribas (bil) - Denis Galvier

978-2-917111-69-7

Nòu

L'Aucèu libre

Un roman contemporanèu, que se debana dins un borg de Gard que l'autor n’a manlevat l’encastre per dessenhar una fresca sociala agredoça, una sòrta de thriller : una refugiada curda, Dilà, s’i escond e tròba un grop qu’accèpta de li ajudar. Mas la violéncia monta, atisada per un gropuscule d’extrèma-drecha : un truc entre mondes a l'escala d'una vilòta...
Bilingüe.

Detalhs

Disponible

20,00 € TTC

Detalhs

Edicion L'Aucèu libre
Data de publicacion : 2021
Format (a x l) : 21 x 12 cm
Lenga : bilingüe occitan e francés
Nombre de paginas : 342
Religadura : enquasernat, cobèrta sopla

Ne saber mai

Dilà, entre doas ribas (Dila, entre deux rives)

Denis Galvier

Jove refugiada curda que son paire es estat empresonat en causa de sas opinions politicas, Dilà, lo personatge central, es a cap de camin. N’es redusida a mendicar… Per astre un jove arabe e una vièlha caritosa la meton a la sosta per qualques jorns… A partir d’aquò se bastís una intriga corala e policièra, dins un ambient de montada de las violéncias que frega la guèrra civila, atisada per un gropuscule d’extrèma-drecha de las afichetas asirosas e de las tòcas pro glaucas... 

Extrach :
"Copar los ponts, vaquí una expression qu’èra pas jamai estada tant d’actualitat.
"Tres jorns fasiá que, fauta d’èsser blocat, lo passatge suls dos ponts de la ciutat èra reglementat. De milícias, creadas dins l’urgéncia, asseguravan lo contraròtlle de tota persona que passava a pè sul vièlh pont roman o en veitura sus l’arca de beton qu’encamba Vidorle en amont del borg.
[…]
"Los agaches èran venguts negres e cadun espinchava cadun d’un uèlh suspiciós. Las pòrtas se barravan sus de flairors acras de paur e d’aborriment. Dins las carrièras de la vila vièlha, de bandas de neojusticièrs barrutlavan cranament, armats de tot çò qu’avián trobat per justificar lor poder. Òm comptava pas las altercacions qu’un mot, una actitud, un agach interpretat o la certitud d’aver trobat un activista dangeirós bastava a las descadenar. Los policièrs assistissián impotents a-n-aquelas carpinhadas, quand n’èran pas a l’origina." (Preludi, p. 6).

Un roman desalenat, de l’arquitectura complèxa e mestrejada, que s’organiza a l’entorn de la solidaritat o de son refús. "Quand òm empacha que lo monde poscan aprene a conéisser l’autre, òm farga d’estrangièrs, e mai de sos vesins", çò ditz l'autor.

Roman bilingüe : tèxte en occitan (lengadocian) p. 6 a 167 ; revirada francesa de l’autor p. 170 a 340.

Edicions de L'Aucèu libre.

Escotar una entrevista (en francés) de Denis Galvier a prepaus de son libre sus RGO (Alès).

Denis Galvier es tanben un sòci (plan) actiu del grop de musica trad'actuala Coriandre.

30 autres produits dans la même catégorie :