> >Anamorfòsis - Florian Vernet

EDITORS / LABELS

Autors / Interprètes

Avètz ja vist

Anamorfòsis - Florian Venet Mai grand

Anamorfòsis - Florian Vernet

978-2-487039-03-2

Nòu

E... rau edicions

Ven de paréisser, aqueste recuèlh de 19 novèlas de Florian Vernet.
I retrobaretz de tèmas que li son cars : lo temps – la memòria ? – que patinan, las amors perdudas e retrobadas, de divertissents pastiches de tèxtes de l’edat mejana e d'estudis literaris… e un agach sus 50 ans d'escritura.
De degustar, en occitan (lengadocian).

Detalhs

Disponible

15,00 € TTC

Detalhs

Edicion E... rau edicions
Data de publicacion : 2024
Format (a x l) : 21 x 15 cm
Lenga : en occitan
Nombre de paginas : 200
Religadura : enquasernat, cobèrta sopla

Ne saber mai

Anamorfòsis

Florian Vernet

L'anamorfòsi ? Un imatge desformat volontàriament, que pòt reconéisser qu'en l'agachant jos un angle particular, una illusion d'optica, un trompa-l'uèlh… 
"Tota ma vida, coma persona e coma escrivan (50 ans d’escriptura entre recuèlhs de novèlas e romans!) se serà debanada entre dos monds al còp vesins e diferents :  opausats a vegadas, conflictuals, superpausats d’autras, mesclats, risolièrs o tragics, frairals e complicis o ferotjament antagonistas", çò escriu l'autor. 

Extrach :
"Lo primièr còp que ne veguères un, t’arrestères, pivelat sense rason aparenta perque lo graffiti èra, o cal dire, minuscul, qualques centimètres a pena, e non l’auriás benlèu jamai remarcat non seriá pas estat dessenhat exactament sus la paret de l’ostal vièlh ont demòras, l’ostal de tos parents (e mai de tos grands aperabans), l’ostal ont sès tornat despuèi qualques setmanas. […]
"En vila, conneissiás pas degun, evidentament. N’èras partit quaranta cinc ans abans, qu’aviás onze ans, e ton mond d’alara s’èra del tot esvalit, èra pas la pena de se far d’illusions d’aqueste costat…" (Graffiti, p. 70-72). 

Jòc de pista, jornals intimes, racontes de l’edat mejana, cachavièlhas, fòbias, temps que trepeja, retorn a la vida… Dètz e nòu novèlas, que forman un ensemble barròc, negre, plen de goalha e de tendresa.

En occitan lengadocian.

E... rau edicions.

Veire maites libres de Florian Vernet ? Clicatz aicí.

30 autres produits dans la même catégorie :

Les clients qui ont acheté ce produit ont également acheté...