> >De fuòc amb de cendre 1 - P. Pessamessa

EDITORS / LABELS

Autors / Interprètes

Avètz ja vist

De fuòc amb de cendre 1 - P. Pessemesse Mai grand

De fuòc amb de cendre 1 - P. Pessamessa

D03RLDh

Ocasion

IEO

1943 : tres joves provençals, tres amics a pena sortits de l'adolescéncia – Norbert, Marqueton e Pèire, lo narrator – van finir que s'engatjan dins l'armada alemanda...
Un roman un pauc destorbant, uèi introbable !  
En occitan (provençal).
LIBRE D'OCASION : edicion originala IEO, 1973. VENDUT !

Detalhs

Detalhs

Edicion IEO
Data de publicacion : 1973
Format (a x l) : 18 x 11 cm
Colleccion A tots
Lenga : en occitan
Nombre de paginas : 309
Religadura : enquasernat, cobèrta sopla

Ne saber mai

De fuòc amb de cendre (1èr volum) : Onze oras passadas de cinc

Pèire Pessamessa

Lo primièr volum de la trilogia De fuòc amb de cendre, que contunha amb Lo Refugiat (volum 2) e Espaci nòu (volum 3). 
Tres amics de collègi, Norbèrt, filh d'un oficièr francés, Marqueton, filh d'un paisan qu'es tanben factor, e Pèire, passan sovent amassa la serada del dissabte. S'ensenhan mutualament la lenga d'òc e tenon de grandas discussions ont tornan bastir lo mond...

Extrach : 
"Mai ailalin dins leis estepas geladas de Russia, es l’avenir d’Euròpa tota que se jòga. França d’en primier e abans tot nòstra patria provençala. E voudriás que nosautrei i foguessiam pas ? Comunistas e gaullistas, aquò es totei de nòses de la meteissa saca, es tot gorrinalha que vau pas un grandmercé. Nos destruirián completament lo païs nòstre. E la lenga nòstra ? Dins elei senti instinctivament l’enemic de raça que fai que ieu, Norbèrt nascut a Montreal, au còr dau païs occitan, sachèssi pas de naissença la lenga naturala de mon païs. Es elei que volon mesclar lei pòbles e escafar lei confinhs […] ailà lei sordats alemands se gelan lei pès per te sauvar, tu, ta raça e ta civilisacion. Tè, li fau anar ajudar !' […]
"Marqueton, eu disiá ren e mangigotiava un pauc de sa ceba. E Norbèrt s’encanhava subit : 'Tu creses que la podriás rosegar ta ceba, se lei Cosacos venián pèr brutlar ton ostau e tei camps !'
"Aquí, òc, aquel argument, Marqueton, lo tocava mai que lei còps de gola còntra lei Jusièus e lei maçons." (p. 28).

Pauc après, Norbert entraina son amic Pèire a Niça, per escotar un discors de Henriot, propagandista del governament de Vichèi que los galvaniza. Los dos joves s'engatjan dins la Waffen SS…
Un roman captivaire, que se ten luènh dels clichats "papet, mamet, mon bèu vilatge", segon los mots de Miquèu Arnaud.  
En occitan provençal.

LIBRE D'OCASION, INTROBABLE : edicion originala IEO, colleccion Atots, Nimes, 1973. In-8, format 11 x 18 cm, enquasernat, 308 p.  
Cobèrta un pauc tacada mas sens esquinçadura. Interior en bon estat levat tacas (de tè ?) qu'empachan pas la lectura, p. 13 a 23.

Veire la seguida : Lo Refugiat (volum 2) e Espaci nòu (volum 3).

30 autres produits dans la même catégorie :