> >>L'Uèlh de Caïn - Miquèl Deit

EDITORS / LABELS

Autors / Interprètes

Avètz ja vist

L'Uèlh de Caïn - Miquèl Deit Mai grand

L'Uèlh de Caïn - Miquèl Deit

978-2-494486-01-0

Nòu

IEO

De racontes inspirats de la Bíblia e, d’un cèrt biais, meses al gost del jorn. Se coneissètz un tant siá pauc "l’istòria santa" (coma se disiá bèl temps a), vos amusaretz encara mai !
En occitan (lengadocian).

Detalhs

Disponible

13,00 € TTC

Detalhs

Edicion IEO Aude
Data de publicacion : 2023
Format (a x l) : 21 x 15 cm
Colleccion Vendémias
Lenga : en occitan
Nombre de paginas : 128
Religadura : enquasernat, cobèrta sopla

Ne saber mai

L'Uèlh de Caïn

Adam, Èva, Caïn, Abèl, Sèt, Noè, Moisès, Josuè, Jòb, L'Etèrn...

Miquèl Deit
prefaci de Jòrdi d'Olmièras

Una presentacion de qualques episòdis de l'Ancian Testament que vos fa veire las causas d'un autre uèlh...
Aquí per exemple lo moment de la construccion de l'arca, just abans lo deluvi (extrach) :
"Iavè dictava sas consignas a Noè, un programa fòrça precís e exigent, de son biais acostumat, e Noè se vesiá mal embarcat. Ne tressusava d’ànsia.
– Es necessari servar la vida. Te cal salvar totas las espècias.
– Totas ? Mas las nocivas ? Las dangierosas ? La que son pas cashèr ? Los pòrcs ?
– Totas ! Lo cashèr se concep que per rapòrt al taref, i pòt pas aver de permission s’i a pas tanben l’interdit ! Existís pas d’espècia inutila. Es pas sense rasons qu’ai inventat la diversitat biologica ! Cada bèstia a son ròtle a jogar dins l’armonia universala, la preda e lo predador, l’aucèl de rapina e lo manja-carraunha, l’òme e lo bactèri…
– Lo qué ?
– Lo… vòli dire los micròbis. Enfin… de bèstias que coneisses pas, una mena de mostres pichonets, mas rassegura-te, aquestes se salvaràn solets, coma los peisses. Te’n deuràs pas trachar." (Noè, Servar la vida, p. 40)

Aprendretz atal qu'Abèl, lo manjaire acarnassit de carn grassa, se moriguèt en realitat d'un infarctus. Que Noè èra un bricolaire genial qu'inventèt benlèu la quita crotz occitana. Que lo boisson ardent de Moisès èra pas, de fach, qu'una gròssa mata d'ortigas... 
Rai, l'autor pren qualques libertats amb los tèxtes sacrats. Mas o fa amb "una imaginacion sens limita, un umor a mantunes grases, una finesa e una erudicion presenta a cada linha" que "vos faràn èsser en reverdèla" (J. d'Olmièras).

Libre illustrat de fòtografias en color. A la fin de cada capítol, de nòtas balhan las fonts ; d'unas son tanben plenas d'umor.
En occitan lengadocian.

Edicions IEO Aude, colleccion Vendémias.

30 autres produits dans la même catégorie :