> >L'Estiu coma un ocean - Michel Fraysse

EDITORS / LABELS

Autors / Interprètes

Avètz ja vist

Novetat L'Estiu coma un ocean - Michel Fraysse Mai grand

L'Estiu coma un ocean - Michel Fraysse

978-2-85910-651-5

Nòu

IEO edicions

A vint ans e de poscas, Joan, inchalhent e fug-l’òbra, viu encara en çò de sos parents. Cròcamòrts per se ganhar la vida, estudiant pauc motivat dins sos tempses liures, se'n volriá plan sortir, mas…  
Un roman contemporanèu non desprovesit d'umor, en occitan (lengadocian).

Detalhs

Disponible

16,00 € TTC

Detalhs

Edicion IEO Edicions
Data de publicacion : 2024
Format (a x l) : 18 x 13,5 cm
Colleccion A tots
Lenga : en occitan
Nombre de paginas : 274
Religadura : enquasernat, cobèrta sopla

Ne saber mai

L'Estiu coma un ocean

roman

Michel Fraysse

Sèm dins las annadas 1990. A mai de vint ans, Joan (lo narrator) demòra totjorn en çò de sos parents e res l'interèssa pas vertadièrament. Viu de pichons trabalhs, perseguís d’estudis "sens vertadièrament los atrapar", coma ditz son paire. Çò que compta per el, son sustot las dròllas, las fèstas e lo cannabís.

Extrach :   
"Lo barataire m’agachava quitament pas, e mai aimava mos bilhets. Fasiá desparéisser la liassa dins sa gabardina e preniá un bonbon dins una pichona pòcha de plastic. Se chucava los dets, ròses e bodinats. Èra un camèl gròs que petava de santat. E me’n tornavi plan lentament cap a mon ostal, en me fumant mon primièr petard de la serada. Quand crosavi una familha, los parents e lo nenon davant dins la butarèla, me demandavi se un jorn me seriá possible vertadièrament de viure atal, en bon paire de familha, en cap d’ostal. Lo Papà e la Mamà agachavan sos nenons, obsedits, terriblament aüroses e estressats a l’encòp. Amagavi ma cigarreta dins lo cròs de la man e me demandavi se ieu tanben me trobrariái una femna que me fariá d’enfants e qu’anariám viure sonque per los nòstres nenons. Èra una foliá. Una absurditat totala. Ieu, far un enfant ? Pas jamai poiriái èsser un paire de familha." (capítol 3, p. 27).

Cossí se'n sortir ? Farà son servici militar, refusarà d'èsser ensenhaire e partirà a París ont retrobarà las meteissas galèras, de pichon trabalh en pichon trabalh e de filha en filha… 

Una cronica de las annadas 1990, situada en granda partida a París.
Plen d'observacions finas e d'umor, aqueste roman d'aprendissatge se legís amb plaser. 
En occitan lengadocian.

IEO edicions, colleccion A tots.

30 autres produits dans la même catégorie :