> >De fuòc amb de cendre 2 – P. Pessamessa

EDITORS / LABELS

Autors / Interprètes

Avètz ja vist

De fuòc amb de cendre 2 – Pèire Pessamessa Mai grand

De fuòc amb de cendre 2 – P. Pessamessa

D03RLDk

Ocasion

IEO

Lo segond volum de la trilogia De fuòc amb de cendre, la seguida de Onze oras passadas de cinc : los dos joves Provençals engatjats per idealisme dins la SS vivon los darrièrs jorns de lor division... es la derrota e la fugida.
En occitan (provençal). 
LIBRE D'OCASION : edicion originala, IEO, 1976.

Detalhs

Disponible

6,00 € TTC

Detalhs

Edicion IEO
Data de publicacion : 1976
Format (a x l) : 18 x 11 cm
Colleccion A tots
Lenga : en occitan
Nombre de paginas : 240
Religadura : enquasernat, cobèrta sopla

Ne saber mai

De fuòc amb de cendre (volume 2) : Lo refugiat

Pèire Pessamessa (1931-2018) 

Engatjats dins la Waffen SS per bastir Euròpa dels joves – almens o cresián – los dos (anti)eròis, Pierre e Norbert an combatut sul front rus, en Bielorussia (estiu 1944). I an descobèrt la realitat de la guèrra e rasejat la mòrt (volum 1). Fugisson primièr los Russes, puèi los Occidentals.
En aquel ivèrn de 1945, corron una Euròpa en roïnas, al mièg de refugiats de totas menas : desertors de l'armada alemanda, armadas dels Aliats, abitants caçats pels bombardaments, salvats del STO o subrevivents de camps d'exterminacion, tota una armada de "pesolhoses afamats" ...
La fugida ten de donar vam a l'òbra romanesca, mentre qu'al fial de rencontres multiples espelís un agach critic de Pèire sus son engatjament nazi.

Extrach : 
"... Ara, ai comprés. Es pas de uèi que pòrti dins ieu lo mieu retorn au païs, l'ai totjorn agut aquí, dins la pòcha de l’estomac, un gròs codonh. Lo dieu escondut que fulmina e ulhauceja s'un còp es pas entendut, e que vos manda barrutlar sensa fin dins lei campàs dau sovenir e de l’enfança recobrada. Lo païs d'òc qu'es immortal, etèrne, coma un còp de ponh que t’esclafís la tèsta e que, tu, te'n garisses jamai.
"L’endeman, enfin, li aguèt lo soleu de l’estiu e pougueriam sortir d'aquesta preson d'aiga e de joncs. Totun agueriam encara de patolhar doas oras dins aquela marrida palunalha.
E puèi coma se la natura se foguèsse espandida, coma una benurança, d'un còp vegueriam leis Alps, ailamondaut coma una blanquetat immaculada..."

L’errància los menarà fins a las Vals occitanas d'Itàlia.

En occitan provençal, amb qualques passatges en provençal alpin.

LIBRE D'OCASION : edicion originala IEO, colleccion Atots, Nimes, 1976. In-8, format 11 x 18 cm, enquasernat, 240 p.
Cobèrta : estat d'usatge, mas sens esquinçadura. Interior fresc.

Veire los autres libres de la trilogia : Onze oras passadas de cinc (volum 1, introbable) e Espaci nòu (volum 3).

30 autres produits dans la même catégorie :