> >>Lengadòc roge - Ives Roqueta

EDITORS / LABELS

Autors / Interprètes

Avètz ja vist

Lengadòc roge - Ives Roqueta Mai grand

Lengadòc roge - Ives Roqueta

2-85910-008-3

Nòu

IEO edicions

Un roman istoric sus la resisténcia occitana al còp d'estat de Napoleon III, contada per un personatge testimòni e actor dels eveniments... o cossí Ives Roqueta nos refresca la memòria !  
En occitan (lengadocian).

Detalhs

Disponible

7,00 € TTC

Detalhs

Edicion IEO Edicions
Data de publicacion : 1984
Format (a x l) : 18 x 11 cm
Colleccion A tots
Lenga : en occitan
Nombre de paginas : 446
Religadura : enquasernat, cobèrta sopla

Ne saber mai

Lengadòc roge : Los enfants de la Bona

Ives Roqueta (Yves Rouquette)

Lengadòc roge ? un roman istoric que conta los eveniments màgers de la fin del sègle 19 e de la debuta del sègle 20 pel mejan de las memòrias del personatge (fictiu) d'Armand Miquel, lo narrator, que la paraula li es donada per contar çò qu'es pas estat contat : los movements de resisténcia, los movements socials, los movements populars, valent a dire l'acte de naissença d'un Miègjorn roge.

Los primièrs sovenirs qu’Armand conta aicí son los de sos dotze ans, a la prima de 1851 : a l'endeman d'un Carnaval ont los Montanhards de Capestanh avián festejat la Republica sociala, la Roja, la Bona, son paire Simon foguèt arrestat per cants sedicioses.
Amb sos companhs d'escòla e Gabanòt l'estropiat, son d'ara enlà los "Enfants de la Bona". Lo 4 de decembre de 1851, Gabanòt los prendrà amb el a Besièrs, per resistir al còp d'estat de Napoleon III… Los Republicans i comptaràn 70 victimas, mòrts o nafrats. 

Se la trama istorica es tractada amb rigor e realisme – los protagonistas principals, los eveniments màgers son conservats e contats a partir de documents istorics – Ives Roqueta abòrda los tèmas que li son cars : las inegalitats socialas, las injustícias, mas tanben la plaça de las femnas, la religion, l'infirmitat, lo sèxe, la mòrt… Son escritura es destricada, sens retenguda, qu’emplega los registres populars dins los dialògs, e sap dire amb emocion, dins una pròsa de longa ornada de poesia e d'umor, l'incompreneson, la tristessa, la dolor o espetar dins un gaug salvatge, per exemple dins lo capítol que pintra un Carnaval antologic. 

Los Enfants de la Bona deviá èsser lo primièr volum d’un "larg raconte d'un periòde estraordinàriament dense en moments istorics decisius dins l'Istòria del pòble en Lengadòc" que l'autor el meteis anonciava. Malurosament, la seguida de la saga espeliguèt pas jamai.

En occitan lengadocian.

IEO edicions, colleccion A tots.

30 autres produits dans la même catégorie :